vasantham

புதன், 27 ஜூலை, 2011

நீரிலும்,நெருப்பிலும் நீந்தினர் எம்
நித்திலர்!
பேரறியாமல்,பேதமை நீக்க
ஊரறியாமல் உறுப்பேந்திய
சத்தியரை மறந்தீரோ?
இன்று!
சாத்தியமற்ற சாகித்தியத்தை-
சகிப்பு அப்பாற்பட்ட-
சாதனையை நுகருவாயோ ?-எம்
போதனை அகற்றிய போதி மரம் சூழ
வாதனை உனை வாட்ட -எந்த
"மா "வினை சூட்டுவாய்?

மறந்ததுவும்,
துறந்ததுவும்,
பறந்ததான-
பாவனை காட்டும்.?
எதையும்,யாவற்றையும்,
கறந்தனவாக காதகர் வீதி -
உன் உலா வரும்.
வருடும்,
வசந்தத்தின் சுகந்தங்களென
வீதி புனரமைப்பென பூப்புனித நீராட்டும்-

ஐயகோ!
ஆவி உனை விட்டகல,
ஆவன செயும்.அத்தனையையும் அள்ளும்,
"சோ"வினை உனை சூழ,
உனை நெயும்.
பூசை அறிவாயா?

புத்தா!
என -
உனை புணரும்-
வாதனை அறிவாயா?
வற்றியரே!

என்றும்,
பாதை அறியா பரப்பில்-
வெறும் போதையை மட்டும்-
போற்றும்.
போகியரே!

போ!
உன் வீட்டு முற்றத்திலும்-
அயலவரின்-
ஆத்திலும்,
கல்லாக கடை விரித்த-
காடையரை தொழு.
உன்!
விதியின்-
வீதி-
வீரியம் பெறும்.

ஆம்!
கார்த்திகை முடிந்து-
இப்போது-
திருவெண் பாவை பாடு.
உன்-
வெண் பாவை-
ஆரியன் சூடிய-
காலத்தின் கனிவில்-
கல்லை பூசி!
புத்தனின் புனிதக் கால்-
பதிந்ததாய்-
மத்தாப்பிடு!

போததிற்கு-
உன்,
அயலவரையம்-
ஆராவரமாய் ஆதங்கி-
காத்திரர்களின்-
காலடி ஒதுக்கி?

கருத்துகள் இல்லை:

கருத்துரையிடுக

இதற்கு குழுசேர்: கருத்துரைகளை இடு (Atom)

பூத்த விழி பூத்திருக்கும்
இந்த புன்னகை ஓர் வரம்.
பார்த்த விழி பகிர்ந்திருக்கும்
இந்த பசுமை ஓர் சுரம்,
வார்த்திருக்கும் வழி இருக்கும்,
வார்த்தை மெல்ல மௌனிக்கும்
இந்த மௌவல்கள் ஏழு சுரம்.

யாத்த யதி யதை சுருக்கும்,
யாப்பு மெல்ல அதை இறுக்கும்,
சலனங்கள் சகமிருக்கும் சாதி மல்லி
மணம் இருக்கும்,
எந்தன் சாந்தங்கள்
அதன் சாதகங்கள்,
வேர்த்திருக்க விழி வேய்ந்திருக்க,
மயில் ஆடுமா?
மனம் மாயுமா?
கிளி கீர்க்குமா?
குயில் கூவுமா?
மௌனங்கள் எங்கும் மாதவங்கள்,இந்த
மார்கழி எந்தன் மாவிழி,
இந்த பூவிழி எனைப்பூக்கும் இனி.

சூழலெல்லாம் சுகமிருக்கும்,
சுற்றமெல்லாம் அதை சுவைத்திருக்கும்,
அவை ஆலிங்கனம் ஆய்த்திருக்க,
அவள் ஆதங்கமாய் ஆர்த்திருக்க,எந்தன்
மேதினியில்
மேலிழை வேதமெல்லாம் வேறிலை.
ஆருயிர் அவளானவள் எந்தன் ஆர்ப்பினில் அகமானவள்,
இவள் தேவதையா?
இல்லை தேர் குழலா?
இந்த நூதனமே எந்தன் வாகனமே.

கன்னல்களில் கவியானவள்,வான்
மின்னல்களில் மிதமானவள்,சன்னங்களாய்
சதிரானவள் இந்த பொன்வண்ணம் இனி என் வண்ணம்
கதிரானவள் கரமானவள் காத்திரமாய் கனிவானவள்,
மின்மினியே மீன் விழியே கண்வழியே கலமானாய்.

தேசியம்,சுதந்திரம்,சுயநிர்ணயம்.

இந்த வலைப்பதிவு முற்று முழுதாக தமிழீழ விடுதலையின் பால் உற்று உறு துணையாகும் நோக்கத்திற்கானது.அதாவது தமிழீழ புலிகளின்,தமிழீழ,இக,அக,புற போராட்டத்தை முற்று முழுதாக யாசிக்கும்,நேசிக்கும் செயற்பாடுகளை,நிலைப்பாடுகளை,ஆதார்சமாக அங்கீகரித்து,உறுதுணையாக தன் கரங்களை நீட்டி இறுகப்பற்றி கொள்ளும் அக நோக்கம் கொண்டதாக தன்னை ஊக்கிக்கொள்ள வலையம் ஆகுகின்றது.தமிழரின் தாகம் தமிழீழத் தாயகம்,தேசியம்,சுயநிர்ணயம்,சூரியத் தலைமை,தமிழீழத் தேசியக் கொடி,ஆகிய ஐம் பொறிகளையும் ஆதார்சமாக்கி அகங்கொள் நிறைவுடன் ஐக்கியமாகி ஆன தன் அக,புற செயற்பாடுகளை உரமாக்க தலைமையின் கீழ் உறுதியாக தளைகின்றது.

விடுதலையின் வேள்வி சுமந்து

சீதளக் காற்று வீச, சிலிர்த்திட எண்ணம் சிறப்பிட
பூபாளம் பாட எண்ணம் ஏந்துமே,எங்கள்
மாவீரர மலரெல்லாம் மனம் தீண்டுமே
ஊரறுந்து போகாமல் உறவழிந்து சாகாமல்
வேரறுக்க எண்ணம் கொண்ட ஆரியமழித்தவரை
தேரெடுத்து பேர் கொள்வோம்,எங்கள் தேசியத் தலைமைதனைப் போற்றுவோம்.

ஏந்தட்டும் உறவெல்லாம் தேசியக்கொடியதனை
இகமெங்கும் இயங்கட்டும் இலக்கதனை கொண்டதனை,வாழ்த்தட்டும் வையகமெங்கும் வைடூரியத் தலைமைதனை,வசந்தம் இனி தமிழீழத் தமிழனிற்கென்றே,இத்தால் உலகத் தமிழினத்திற்கும், பாரதனில் பழுத்தது தமிழீழம்,அது சுதந்திரத்தின் சுகானுபவம்,எங்கள் விடுதலை ஈகத்தினதும்,விலைமதிப்பிற்கு அப்பாற்பட்ட பொது மக்களின் யாகத்திற்குமான கனதியான பெறுமானம் அது தமிழீழம்.

யாத்த விடுதலை மறவர் புகழ் ஏந்தும்,பிரபஞ்சம்
பூத்த தமிழீழக் கொடி சூட்டும்,ஈத்த தலைமையின்
தகம் தேடும் அவன் ஆளுமையின் அகம் சூடும்,அது உலக பேளுமையின் திறனாகும்,சார
சாரதிருப்பான் மேதகு தலைவன் அவன் தனித்துவத்தின் தகமைப்படி.எந்த தரத்திலும் தாளா வலிமைகொள் தமிழீழத் தலைவன்,இந்த பிரபஞ்சத்தின் பிரம்மம்.

விடுதலை,சுதந்திரம்,தன்னனாட்சி,,தமிழர் தாகம்,,

எந்த தடைகளையும் உடைத்து ஊடுவோம்,தரணியில் தமிழீழம் மலர தடையுடைத்து உழைப்போம்,விடுதலை தனை நாடும் வரை ஓய்வின்றி கரம்கொடுப்போம் எம் தானைத் தலைவனிற்கு,எம் விடுதலைப் போராளிகளிற்கு,நிச்சயம்எம் தாயகம் படைப்போம்,தரணியில் தமிழீழம் உதயமாக,உண்மையாக,உழைப்போம்,வரும் தடை யாவும் தளர,புலரும் எம் பூபாளம் பூம்புனல் பாட,பூமிப் பந்தில் புதிய உதயம்,அதன் சாரம் "தமிழீழம்"

vasantham

புதன், 27 ஜூலை, 2011

கருத்துகள் இல்லை:

கருத்துரையிடுக

வலைப்பதிவு காப்பகம்

வலைப்பதிவு காப்பகம்