சமூகத்தை காதல் செய் 15,03,2019

சமூகத்தை காதல் செய் 15,03,2019

இந்த பிரபஞ்சத்தில் உயிரினங்கள் தோன்றி இற்றைக்கு மில்லியன் ஆண்டுகள் புரண்டு ஓடின.இந்த வாழ்வோட்டத்தில் பல பரிமாணங்கள் புதிய பரிணாமங்கள் பெற்று பண்பாடு உருவாகியது அதை ஒரு வகையில் மனித நாகரீகம் என்றும் பண்பென்றும் வகுத்து உலக வாழ் மனித உயிரினங்கள் கூர்ப்படைந்து கொண்டன.

விலங்குகளும்.பறவைகளும் மேலும் ஊர்வனவும் எல்லாமே ஒரு சமூக கூட்டங்களாகவே வாழ்வெழுதிக்கொண்டன.இப்படியே இன்றும் வாழ்கின்றன.இவைகள் சொல்லாமல் கற்றுத் தரும் பாடமே சமூகத்துடன் ஒன்றித்து வாழ்தல் என்றால் மிகையாகாது.எந்த ஒரு உயிரினமும் தனித்து வாழ்தல் என்பது சாத்தியமற்ற ஒன்றே.

மற்ற உயிரினங்களை விட்டு நான் இப்போது தொட்டழுதிச் செல்ல விழைவது மனித சமூகத்தின் வாழ்வியலில் சமூகத்தின் மாண்பான பண்புபற்றியே ஆகும்.அது சமூகம் சார்ந்த ஒத்துழைப்பாலும்.பொது அமைப்பு சார்ந்த செயற்பாடுகளாலும் மட்டுமே உயிர்பெழுதும் தன்மை கொண்டவைகளாக மிளிரும்.

குடும்ப உறுப்பினர் ஒருவர் தன் சகோதரனையோ அன்றி சகோதரியையோ மேலும் பெற்றோர்கள்.உற்றார் உறவினர்களையோ என்றுமே சார்ந்துதான் தன் வாழ்வின் ஆரம்பங்களை சுவையூட்டிக் கொண்டு வளர்கின்றார்.அஃதன்றேல் அவர் தம் வாழ்வில் அரும்புப் பருவமே அழிவடைந்து விடும்.இப்படி நாளாந்த வாழ்வில் குடும்ப அங்கத்தவர்களினதும்.சமூகத்தினதும் அரவணைப்பில் வளரும் குழந்தையானது திடகாத்திரமாகவும்.தன்நம்பிக்கை சார்ந்த்தாகவும் வளரும்.அக்குழந்தைக்கு அவர் வளரும் போதே சமூக விழுமியங்களான பண்பாடும்.வாழ்வியல் சீரும் ஊட்டப்படும்.இப்படி வளரும் குழந்தைகள் அவர் தம் பிற்கால வாழ்வில் தடம் புரள்வதும் சமூக காதல் அற்ற ஒரு நிலைப்பாடே ஆகும்.

இதற்கு சான்றாக இருப்பது முதலில் பெற்றோரும்,பிற்பாடு சமூகமும்,அவர் தம் நட்புக்ளும் ஆகும் என்றால் மிகையாகாது.முதலில் பெற்றோர்களை பார்ப்போம்.இன்றைய கால கட்டத்தில் ஒரு பிள்ளையின் எதிர்காலம் எப்படியும் இது அன்று தொட்டே சகல குடும்பங்களிலும் நிலவும் ஒரு அர்த்தமற்று நிலைப்பாடு ஆகும்.அதாவது தன் பிள்ளை ஒரு மருத்துவராக .பொறியியலாளராக மட்டுமே அல்லது ஒரு ஆசிரியராக வரவேண்டும் என ஆழமாக எதிர்பரப்பதாகும்,

இங்கு எந்த பெற்றோருமே தன் பிள்ளையின் ஆளுமையை.அவர் தம் விருப்பத்தை பார்ப்பதும் இல்லை.ஆயின் அங்கீகரிப்பதும் இல்லை.இது முதல் தவறு.பெருந் தவறு.நன்றாக யோசித்துப் பாருங்கள் இந்த உலகம் ஒரு மருத்துவராலும்.ஒரு பொறியியலாளராலும் அல்லது ஒரு ஆசிரியனாலும் மட்டுமா இயங்குவது.அன்றி இப்படியானொரு நிலைப்பாட்டில் தன் பிள்ளைகள் இருந்தால் மட்டுமே வாழ்வு சீர் பெறும் என நினைப்பது அபத்தமே அன்றி வேறில்லை.

இப்போது நாம் 21ம் நூற்றாண்டில் மிக பெரிய தொழில் நுட்ப கணணி உலகில் காலூன்றி இற்றைக்கு சுமார் 25வருட மாகின்றது.அதாவது இந்த தொழில் நுட்பத்தை நாம் உபயோகிப்பதில் இருந்து புரிந்து கொள்ளணும்.அதாவது கடந்த கால சந்ததியின் பெற்றோர்களின் களிவிரக்கம் முடிந்து புதிய சந்ததிகளின் பெற்றோர்களாலேயே தற்போது உலகம் இயங்குகின்றது.நான் இங்கு உலகம் என் குறியிட்டது நிச்சயமாக எமது சமூகத்தை மட்டுமே என கருத்தில் கொள்க!

ஆனால் இவர்களும் பழைய குருடி கதவை திறவடி எனும் நிலைப்பாட்டில் தங்கள் குழந்தைகளிற்கு அதையே ஊட்டி வளர்ப்பதில் இருந்த மாற்றுச் சிந்தனைகளை உருவாக்க வேண்டும்,இந்த கட்டுரையின் நோக்கமே அதுதான்.ஆயினும் இந்த மாற்றங்கள் சற்று சீரடைந்து இருப்பது போல உள்ளது.இன்றைய கால கட்டத்தில் அது பெரியோர் முதல் சிறு குழந்தை வரை இந்த தொழில் நுட்பம் ஒரு விளையாட்டு களமாக.முகநூல் தளமாக விரிவடைந்து நிற்கின்றது.ஆனால் இந்த தொழில் நுட்பத்தில் சமூக வலைத்தளத்தையே இங்கு நான்முன்னுதாரணமாக கொண்டு தொடரவிழைகின்றேன் இதுவே காலப் பொருத்தாமனதாகும்.

பிள்ளைகளின் படிப்பில் ஆர்வம் காட்டும் பெற்றோர்கள் அவர்தம் கையில் உள்ள சிமாட் தொலைபேசியின் அவர் தம் உபயோகிப்புக்களை கருத்தில் கொண்டு அதை அவதானிப்பதில் அவ்வளவு ஈர்வம் காட்டுவதாக தெரியவில்லை.இங்குதான் சமூகப் பிறழ்வுகளின் ஆரம்பமே.

இன்றைய உலகில் பிள்ளைகளின் கையில் இந்த தொலைத்தொடர்பு சாதனம் தேவையா என கேட்டால் ஆம் என்றே சிலபெற்றோர்கள் கருதுகிறார்கள்,அதற்கு பல காரணங்களையும் வகுத்துக் கொள்கிறார்கள்.இதுவே ஒரு வயது வந்தவரிடம் இருக்கும் போதும் அதே காரணம்.நிச்சயமாக இந்த சாதனம் தேவைதான் ஆனால் அதை எதற்கு உபயோகிக்கிறோம் என்பதில் ஆரம்பிக்கிறது சமூக அக்கறையின்மை.

முகநூலில் முகம் தெரியா நட்பை பேணுதல்,அவர்கட்கு போட்டோ அனுப்புதல் அவரிடம் இருந்து வரும் ஆபாச காட்சிகளில் ஈடுபாடு கொள்ளல்.பின் அந்தரங்க போட்டோக்களை பரிமாறுதல் என ஒரு வரையறையின்றி தற்போது உள்ள இளஞ் சந்ததிகள் ஒரு விளையாட்டாக ஆரம்பித்து பின் பெரும் வினைகளில் அகப்பட்டுக் கொள்கிறார்கள்,

சமீபத்திய உதாரணமாக இந்தியாவில் பொள்ளாச்சி கிராமத்தில் அரங்கேறிய அசிங்கத்தை கோடிட்டு காட்டலாம். இலங்கையில் சகல இடங்களிலும் இப்படியான நிலைப்பாடுகள் உலவுகின்றது.எனவே இளைய சந்திகள் இப்படியான தனக்கு தேவையற்ற.மேலும் பொறுப்பற்ற செயலை விட்டு பொதுக் கட்டுமான செயற்பாட்டிற்குள் தங்களை இணைத்துக் கொள்ளவேண்டும்.ஒரு சமூக வலைத்தளத்தின் நோக்கம் என்பது கடல்போல விரிவடைந்துள்ளது.ஆனால் சிலரின் அப்பட்டமான சமூக பிறழ் நிலைக்குள் ஊடுருவுவதால் ஏற்படும் அபத்தத்தை என்ன வென்று எடுத்துரைக்க.ஆயினும் காலத் தேவை கருதி சிறு குறிப்பாக ......

பட்டினத்தார் சொன்னதுபோல பிறந்த இடத்தையே நாடுதடா பேதை மனம் பால் கறந்த இடத்தையே நாடுதடா பாவியோடை கண்கள் என்பதாக பலரின் சித்து விளையாட்டுக்களால் சமூகத்தின் இளைய தலைமுறைகள் வழி தடுமாறி செல்கின்றார்கள்.முதலில் ஒன்றை காத்திரமாக உணரணும்.இல்லறம் என்றால் என்ன?தாம்பத்திய உறவென்றால் என்ன வென்ற விழிப்புணர்வுகளை பெற்றோர் முதல் ஆசிரியர்கள் நட்பு வட்டாரங்களில் தெளிவு பிறக்க வைக்கணும்.இதை திறந்த மனத்தோடு விளக்கம் சொன்னால் அல்லது அறிந்து கொண்டால் இப்படியாக சமூக வலைத்தளங்களில் ஆபாசம் நெருடிப்போக வழி இல்லாமல் போகும் என்பதல்ல ஆயினும் மன ஒழுக்கம் என்பதை ஊட்டலாம்.....

எனவே செக்ஸ் எனபது தவறான போக்கும் அல்ல இது இல்லையேல் மக்கள் பெருக்கமோ அன்றி சமுதாயமோ உருவாக வழியே இல்லை.ஆனால் அதை யார் எங்கே எப்போது கடைப்பிடிக்கணும் எனும் தெளிவு தேவை.நாங்கள் இதை எப்போதுமே ஒரு தவறானதாக ஒழித்து வைத்து உரையாடுதல் கூட இப்படியான தவறிற்கு காரணமாகின்றது.என் வரையில் பாலியல் பற்றிய விளக்கங்களை தெளிவுகளையும் பாடசாலையில் இருந்து ஆரம்பக் கல்வியில் புகுத்தினால் இந்த இழி நிலை தோன்றாது.

மற்றது குடும்ப உறவுகளின் தாற்பாரியத்தை சரியான திசையில் விளங்கக் கூடியதாக இளைய தலைமுறைக்கு கற்றுக் கொடுத்தலும் அவசியமே.தாய்.தங்கை.தமக்கை .அண்ணன்.தம்பி அந்த உறவு முறைகளின் வீச்சும் அவர்தம் குடும்ப வாழ்வு முறையும்.மைத்துனி மச்சான்.மாமி.அத்தை இந்த உறவுகளின் வீரியத்தையும் அதனால் ஆகும் சமுதாய விழுமியங்களையும் சரியான திசையில் உணர்த்தணும்.இங்கே வெளிப்படையாக திறந்த மனதுடன் இருத்தல் அவசியம்.ஒரு தவறை ஒருத்தன் செய்தால் அதன் தார்மீக நிலைப்பாட்டை கருத்தில் எடுத்து நல் வழி காட்டினால் அவன் திருந்தி வாழும் வகை தென்படும்.அதை விட்டு கேலிப் பேச்சுக்களாலும்.கிண்டலாலும் அதை மிகைப்படுத்தினால் அவன் செய்த தப்பும் வேறொரு பரிணாமமாக வெளிப்படும்.

சமுதாய உறுப்பினர்களும் தங்களது தாம்பத்திய உறவை ஒரு கட்டுக்குள் வைத்திருத்தல் அவசியமாகும்.

என் பொண்டாட்டிதானே.என் மச்சாள்தானே என விடும் கால.நேர.இடங்கள் அற்ற தொடுகைக்கள் கூட இப்படியான திசைமாற்றத்திற்குள் ஒருவனையோ அன்றி ஒருத்தியையோ திடம்.தடம் மாற வைத்துவிடும் என்பதை சுற்றமும் அறிந்து அதன்படி ஒழுகுதல் வேண்டும்.

விலங்கினங்கள் கூட கலவி என்பதை ஒரு குறிப்பிட்ட காலத்திலேயே முடித்துக் கொள்ளும்.அவைகளை ஐந்தறிவு பிராணிகள் என நையாண்டி செய்யும் மனித இனமோ கலவிக்கு எவ்வித கால.நேரங்களை வகுப்பதில்லை.எப்போதடா சந்தர்ப்பம் வரும் என காத்துக் கொண்டிருக்கும் சில காளையர்கள் எனும் காவாலிகள் புனை பெயரில் இந்த சமூக வலைத்தளத்தில் ஊடுருவி பெண் வேட்டைகள் நாடாத்துகின்றார்கள்.இதன் தாற்பாரியத்தை உணர்ந்து கொள்ளும் நிலையில் சில பருவ மகளிரோ அன்றி பருவ மகன்களோ இல்லை என்பதே யதார்த்தம்.அப்படியான சிலருக்கு அறிவுரை சொன்னாலும் ஏற்கும் அல்லது ஒத்துக் கொள்ளும் பக்குவத்தை இந்த காளைப்பருவங்கள் ஏற்பதில்லை என்பது துரதிருஸடமான நிலைப்பாடாகும்.

நிற்க!.

அன்றைய வாழ்நாட்களை நமது முற் சந்ததியினர் எப்படி கழித்தார்கள்?எப்படியான சமூக பழக்கங்களை அல்லது கலாச்சாரங்களை பின்பற்றினார்கள் என்பதில் எவர்க்கும் ஈடுபாடு இல்லை எனபதுவும் காலச் சுழற்சியின் மாறுதலே.அத்துடன் அன்றைய நாட்களில் அவர்களின்... ஏன் இதை பிரதிபண்ணும் எங்களின் பொழுதுபோக்குகள் பின்வரும் இப்படியான விளையாட்டுக்களில் கழிந்தன.இப்படியான விளையாட்டுக்ளால் நாம் எமது உறவுகளின் சமுதாயத்தின் விழிமியங்களை பேணிய கையோடு நற்பெயர்களையும் சமுதாயத்தின் ஊடாக பெற்றுக் கொண்டோம்.இதனால் உடலும் மனமும் பெரும் வைராக்கியம் பெற்றுக் கொண்டன.மனச் சஞ்சலம் இல்லாத தற்போதைய காலித்தனமான எண்ணங்கள் ஊடுருவாத ஒருவிதமன இயல்பான பாதைகள் இருந்தன.

தற்போதைய இளைய சந்ததிகளில் எத்தனை பேர்க்கு பின் வரும் விளையாட்டுக்கள் தெரியும் அதன் மூல்ம் ஏற்படும் தேகப் பயிற்சிகளின் விழைவுகள்..மனித வள ஒற்றுமைகள் விரியும்என.... ஏன் பெற்றோர்களிற்கு தெரியுமா?

கடந்த கால விளையாட்டுக்கள்.கிளித்தட்டு.கள்வன்.பொலிஸ்.அம்புக்குறி.கிட்டிப் பொல்லு.ரவுண்டேசு....சிறுபிள்ளைகள்கூட கல்லுச்சுண்டுதல்.தாயக் கட்டை .கொக்கு பிடித்தல் மங்காத்தா அதாவது எட்டுப் பெட்டி.கிந்திக் கிடித்தல்.என நாளாந்தம் தமதான பொழுதுபோக்குடன் உடல்.மன வளர்ச்சிகளை பெற்றுக் கொண்டார்கள்.

இப்போதைய சந்ததிகளின் வாழ்வு எவ்வளவோ சுருங்கி ஒரு கைவிரல் சுட்டியில் அடக்கப்பட்டுள்ளது.யார் யாருடனாவது முகம் கொடுத்து இயல்பாக.மகிழ்வாக பேசிக் கொள்கிறார்களா?தங்களின் நாளாந்த இன்ப.துன்ப.நிகழ்வுகளை பகிர்ந்து கொள்கிறார்களா?இல்லையே...சற்றே விநோதமான வாழ்வை இந்த சிமாட் தொலைபேசி மக்களிற்கு அருங்கொடையாக பெருங்கொடையாக அளித்துள்ளதாக இந்த இப்போதைய சமுதாயம் அலட்டிக் கொள்வதே இங்கு விந்தையாகும்..இந்த சுருங்கிய உலகத்தால் நாம் பெற்றுக் கொள்ள வேண்டிய எத்தனையோ தரமான உறவுகளை நாளாந்தம் இழந்துள்ளோம் என்பதை பட்டியல் போட்டல் இந்த கட்டுரைக்கு பக்கம் நீட்சியாகிவிடும்.

ஆக வேண்டாம் வலைப்பந்து விளையாட்டு??.விளம்பரத்திற்கு ஒருக்கால் துடுப்பாட்டம் அவ்வளவே.சரி மக்களாவது நாளாந்தம் தங்களின் மத்தியில் ஒரு சந்திப்பை நடாத்துகிறார்களா என்றால் அது துப்பரவாக இல்லை என கூற முடியாவிட்டாலும் முழுமையானதாக கூறமுடியாது.இப்படி சந்திக்கும் இளையார்களோ அன்றி பெரியவர்களோ அதற்கான நேரத்தை ஒழுங்கமைப்பதே இல்லை.இது என் ஊரக உலாவலின்போது கண்ட மிகப் பெரிய அவலம் என்றால் மிகையாகாது.சந்திப்பவர்கள் கூட நேரமில்லை எனும் ஒரு பொய்ச் சாட்டுடன்.விலகிச் செல்வதே ஆங்கு மிளிரும் நடைமுறையாகும்.

எனவே இப்படியான விளையாட்டுக்ளை மக்களின் முன் பரப்பி அவர்களையும் இதில் ஈடுபடச் செய்ய எமது சனசமூக நிலையம் ஆவன செய்ய வேண்டும்.இப்படியான பொதுக் கட்டுமானத்திற்குள் இளையோர்களை ஈர்த்தெடுத்தால் தேவையற்ற களியாட்டத்தில் மக்களின் ஈடுபாட்டை இல்லாதொழிக்கலாம்.இதற்கு எத்தனை பெற்றோர்கள்,பிள்ளைகள் பங்களிப்பார்கள் என்பதை சனசமூக நிலைய பொறுப்பாளர்களின் செயற்பாட்டில் உள்ளது.

ஆசினும் இது கைகூடுமா என்பதே தொக்கி நிற்கும் மிகப் பெரிய????ஆகும்

ஆக சமூகத்தை காதல் செய்ய தற்போதைய இளையோர்களை ஒரு கட்டுமனாத்திற்குள் இணைக்க வேண்டியது காலத் தேவையாகும்.

ஊர் பிரிந்து ஒற்றுமை கலைந்து வேடிக்கையாக உள்ள எமது ஊர் இனியாவது ஒற்றுமையாக ஓர் குடையின் கீழ் இயங்க சமூகத்தை காதல் செய்யுமா?இது ஒண்ணும் பெரிய பிரச்சனை இல்லை என்றில்லை இதுவே எதமு பெரும் பிரச்சனை ஆகும்

ஒற்றுமையாக இயங்க பல விட்டுக் கொடுப்புக்ளும்.புரிந்துணர்வுகளும்.ஈகோ அறவே அற்ற மனத் தெளிவும் தேவை என்பதை ஆழமாக கருத்தில் கொண்டால் இந்த சமூகத்தை உண்மையிலையே காதலித்தால் .......

நன்றி ஊரகனாக

ஊரகன்

சு,குமார்

சமூகமும்.சமூகநாடியும். 16.03.2019

சமூகமும்.சமூகநாடியும். 16.03.2019

எமது ஊரகம் ஒரு சனசமூக நிலையத்தை பல வருடங்களாக நாடோடித்தனமாக நிலையில்லா இடங்களில் அலைந்து காலப் போக்கில் ஊரவர்களின் அதி சிரத்தை காரணமாக ஒரு நிலையான இடத்தில் நிமிர்வெழுதிக் கொண்டது.

எத்தனை ஆரவாரமான திறப்பு விழா?ஊர்மக்கள் அன்றுதான் இவ்வளவு பேர் கலந்து கொண்டதாக ஊரகம் மகிழ்ச்சி பேரலையில் திண்டாடியது.ஆச்சு அதற்கான முடிந்த வரையான கட்டுமானப் பணிகளால் எல்லாமே சிறப்பாச்சு.

காலம் மீண்டும் சில தேவைகளை கருத்தில் எடுக்கும்.அதன் உத்தம தேவை கருதி நிலம் நல்கி கட்டுமானப் பணிக்கு தன் சேவைகளால் உரம் கொடுத்தான் ஒருவன்.ஆம் அது எமது ஊரகத்திற்கான அரும்புகள் முன்பள்ளி எனும் பெயருடன் ஆரவாரமாக ஆரம்பமாச்சு.அங்கே சனசமூக நிலையதிறப்பு விழாவின்போது எம்மால் முன்னெடுக்கப்பட்ட ஒரு அதி தேவையாக சமூக நாடி எனும் எமதூரக மக்களின் கைவண்ணத்தில் அவர் தம் ஆர்வத்தில் அவர்களின் அபிலாசைகளையும்.எதிர் பார்ப்புக்ளையும்.உள் கிடக்கைகளையும் வெளிக் கொண்டுவர இந்த சமூக நாடி புத்தகத்தை ஒரு தொட ர்பூடகமாக எதிர் பார்த்தோம்.

இந்த இரண்டு கட்டுமானங்களின் ஆண்டு விழாவை நாம் என்றுமே சித்திரை 16ல் கொண்டாடுவதாக ஒரு தீர்மானம் அதுவே நடைமுறையாக.இந்த கணத்தில் ஊரவர்களின் திறன்களை அதாவது.கலை மேல் உள்ள ஆர்வத்தையும்.அவர் தம் குரல் வளங்களையும்.நடனங்களின் நர்த்தனங்களின் அலைமோதிப்பையும் எல்லாமே எமது முன்பள்ளியில் அரங்கத்தில் அரங்கேற்ற முடிந்த வரை ஆவன செய்துள்ளோம்.ஆனால் ஆங்கு இப்படியான நிகழ்ச்சிகளை ஆர்வமாக மேடையேற்ற எமதூரக மக்கள் பின் நிற்பதுவும்.ஆர்வங்களகற்றி புற முதுகு காட்டுவதும் ஏன் என்பதே புரியாத புதிராக.....

அதைப் போல வருடா வருடம் வெளியிட தீர்மானித்த சமூகநாடி எனும் புத்தகத்திற்கு ஆக்கங்களையோ அன்றி ஓவியங்களையோ அன்றி தன்னாலான கவிதை கட்டுரைகள் என பன் முகம் தாங்கி எந்த ஒரு படைப்பையும் வேளைக்கே சனசமூக நிலைய பொறுப்பாளர்களிடம் கொடுத்து தங்களின் தார்மூக பொறுப்புணர்வை மக்கள் வெளியிடத் தயங்குவதன் காரணங்கள் இன்னமும் புரியாத புதிராகவே உள்ளது.

ஊ ர்மக்களின் தாகங்களை அதாவது இளையோர் முதற் கொண்டு முதியோர் வரை சகலரிடமிருந்தும் நாம் எதிர்பார்க்கும் இத்தகைய ஆக்ஙகளின் செயற்பாடுகள் வெகுவாக பின்னடைந்திருப்தை எமது ஊரக மக்கள் தங்களின் கருத்தில் எடுப்பார்களா? வருடா வருடம் இந்த மக்களின் ஆக்கு திறனை வெளிப்படுத்த திரு வாசன் அவர்கள் செலுத்தும் பணமோ அன்றி இந்த ஆக்கத்திற்காக திரு சங்கர்.மற்றும் தலைவர் அவர்கள் எடுக்கும் முயற்சிகள் அனைத்தும் வீணாவவதை எந்த முகம் கொண்டு பதிவேற்றுவது?

வருடா வரும் தீபாவளி.வருட புத்தாண்டு.ஆலய திருவிழா இதற்கொலாம் முன்னேற்பாடாக ஆயத்தம் செய்யும் மக்கள் இதுவும் ஆண்டு தோறும் இத்தனையாம் திகதி நடைபெறும் எனும் யதார்த்தத்தை மனக் கொள்ளாமல் இருப்பது ஏன்?

இந்த இரு கட்டுமானங்களிற்கும் ஊரக மக்களும்.புலவாழ் மக்களும் உவந்தளித்த நிதியின் ஆக்கு திறன்களை மழுங்கடித்தல் எத்தகைய முரண் என்பதை ஊரவர்கள் உணருவார்களா?.எத்தனை இழுபறிகள். இடைஞ்சல்கள்.தடங்கல்கள் யாபேற்றிற்கும் முகம் கொடுத்து தளராமல் கருவாக்கி உருவாக்கி தளம் கண்ட எம் இரு கட்டுமானங்களின் களங்களை பலப்படுத்த இந்த தும்பளை மேற்கு வாழ் மக்கள் தாமாகவே முன் வரவேண்டும் அஃதன்றேல் கால சுழற்சியில் எமது இந்த சமூக விழிமியங்களை தாங்கி செல்லும் ஊரக தேரான சனசமூக நிலையமும்.அரும்புகள் முன்பள்ளியும் தட ம் புரண்டு அதன் நோக்கம் அறவே அற்று மீண்டும் பழைய நிரைக்கே ஆதரிப்போர் அற்று போய்விட நாம் எங்ஙனம் அனுமதிக்க முடியும்?

கற்றோரும்.க ல்வியில் கரை கண்டோரும்.ஓவியத்தில்.நாட்டியத்தில்.பாட்டில் இசை அமைப்பில் .சோதிடத்தில் .ஆலய நிர்வாகத்தில் என சகல பாதைகளிலும் கரை புரளாமல் நிமிர் வெழுதிக் கொண்டோரை தாங்கி நிற்கும் திமிர் கொண்டது எங்களது ஊர் எனும் பெருமிதம் மட்டும் போதுமா?

தாம் கற்றதை மற்றோர்க்கும் புகுத்தி .தான் அறிந்த நல்ல.தீய நடப்புக்களை தம் மக்களிற்கு அறிவால் ஊட்டி ஆழ விதை கொண்ட எமது ஊரிலா இன்று எழுத்திற்கும்.கலை நிகழ்விற்கும் பஞ்சம்.வெட்கம்.வெட்கம்.இதை எழுதும் எனக்கே வெட்கமாக உள்ளது.ஆயின் புலம் பெயராமல் புலன்களோடு ஊரில் ஒன்றித்து வாழும் எம் மக்களிற்கு எங்கே போனது இந்த தார்மீக புத்தி.இதை செயலால் காட்டி எமது ஊரக சனசமூகநிலையத்தை வெற்றிகரமாக நகர்த்தி செல்லும் தார்மீக பொறுப்பை யார் பறித்தார்??

ஊனக கண்களை உயரே துக்கி எறிந்து விட்டு உங்கள் மானக கண்களை அகல திறந்து உங்களின் செயற்கரிய பங்களிப்பிற்காக காத்துக் கிடக்கும் எங்கள் ஊரக இரு கட்டுமானங்களையும் உங்களின் கைலாகு கொடுத்து அதை தூக்கி சிறப்பாக ஊரக வலம் வர ஒத்தாசை கேட்டு உங்களின் கலம் வருகின்றோம்.ஆவன செய்வீர்கள் எனும் அசையா நம்பிக்கைகளுடன்.

வெறும் கெளரவத்திற்காகவும்.அந்தஸ்த்திற்காவும் இங்கே கட்டுமானங்கள் உயர எழுப்படவில்லை.அந்த ஊரில் இருக்கு இந்த ஊரில் இருக்கு எனும் பேதமையால் இவை உருவாக்கப்படவில்லை.அதி தேவையின் மூலங்களை கருத்திற் கொண்டு உங்களின் பங்களிப்புக்களுடன் ஆனந்தமாக.அபிலாசைகளின் உறுதுணைகள் மோலோங்க ஆர்வமாக கட்டப்பட்தே இந்த கட்டுமானங்கள்.மட்டுமல்ல இதன் மூலம் நாம் மேலை சொன்ன சகல தேவைகளையும் பூர்த்தி செய்து வரும் எம் இளைய சந்திதிகளிற்கு ஒரு முன்னுதாரணமாக செயல்பட்டு அடுத்த தலைமுறையின் கைகளில் ஆரோக்கியாமாக கையளிக்க வேண்டி, எங்களின் உங்களின் காலக் கடன்களை உங்கள் அகத்தே சிரத்தையாக பதிவெழுதி ஆக்க பூர்வமாக செயல்பட அனைவரையும் திரண்டு ஒத்துழைத்து இந்த ஆரோக்கிய தேரை அடுத்த கட்டத்திற்கு முன் நகர்த்திக் கொள்ள எமது உள்ளக ஊரக மக்களே அணிதிரண்டு செயற்பட வாருங்கள்.

இந்த அருமையான கால கட்டத்தை நழுவ விடாமல் தொடர்ந்தும் முழு மூச்சுடன் இயங்கி எம் கெளரவத்தையும் .உமது ஊரகத்தின் சாலச் சிறப்பான பண்பையும் காப்போம் எனும் உறுதியுடன் உவந்து முகம் தெளிந்து வாருங்கள்,உம் உழைப்பில் இந்த கட்டுமானங்களின் முழுத் திறனையும் வெளிப்படுத்தி முக.மலர்ச்சி கொள்வோமாக.அந்த ஒளியில் எமது வாழ்வு புத்தொளி வீசி பிரகாசிக்கட்டும்.

வருங்கால இளைய சந்ததிகளின் வரப்பிரசாதம் இதுவென சங்கே முழங்கு.

நன்றி ஊரகனாக

சு.குமார்

மகிழ்ச்சி

                                                                        மகிழ்ச்சி

விடியும் காலை பொழுதில் கேட்கும்

சேவல் குரலில் மகிழ்ச்சி

புள்ளினங்கள் பூவில் தேனை

அருந்தும் போது மகிழ்ச்சி

கிழக்கு வானில் கதிரவன் வீசும்

கதிரில் குளிர்ச்சி.இந்த

குதூகலங்கள் என் மனதில்

ஏற்றுகின்றதே மகிழ்ச்சி

அம்மா என்று ஆவினங்கள்

அழைப்பதில் ஒரு பாவம்

அந்த பாவனையில் கன்று துள்ளி

ஓடும் போது தாளம்

மடியில் முட்டி பாலை

குடிப்தில் உண்டு மகிழ்ச்சி

அந்த காட்சி என்னில் ஏற்றுகின்றதே கிளர்ச்சி.

காலை எழுந்து வாசல் தெளித்து

போடும் கோலம் அழகு
அதில் பூக்கள் வைத்து வர்ணம் இட்டால்

ஏற்படுமே மகிழ்ச்சி.

பாடாசாலை நோக்கி பாலகர்கள் போவது ஒரு அழகு

அந்த அழகை நோக்கும் என் மனதில்

பொங்கி வரும் மகிழ்ச்சி..

சுற்றாடலை அழகு பேணி வைத்திருத்தல் மகிழ்ச்சி

அதை எல்லோருமே சேர்ந்து செய்தால் பூபாளமே மகிழ்ச்சி

வீணாக நேரம் போக்கி வாழ்வதல்ல வாழ்வு.நம்

பெற்றோருக்கும் உதவி செய்து வாழ்வதுவே மகிழ்ச்சி

சுற்றத்தோடும் உறவுகளோடும் உண்மை பேசி

வாழ்வதுவே வாழ்க்கை அந்த வாழ்வினிலே

வசப்படுமே உண்மையான மகிழ்ச்சி.

மகிழ்விருந்தால் வசப்படுமே வையகத்தில் பிடிப்பு.

அந்த பிரியத்திலே ஒற்றுமையாய் சேருவமே ஒன்றாய்

ஒன்று சேர்ந்து வாழ்வதுவே வாழ்வினிலே இன்பம்.இதை

புரிந்து கொண்டு சிறகடிப்போம் சிறுவர்கள் நாங்கள்.

                                             அழகு.

அழகு அழகு பற்றி பாடப் போகிறேன்.நான்

ஆனந்தமாய் அழகு சொல்லி ஆடப்போகிறேன்

உறவு சொல்லி.உணர்வு அள்ளி

வீசப் போகிறேன்.அங்கே

உவகை பொங்க கலந்து நானும்

வாழப்போகிறேன்

சுற்றாடலை காதலித்தால் அழகு.அங்கு

சுகந்தம் வந்து குடியிருக்கும் அழகு

பெற்றோரை மதித்து இங்கே உலவு

நீயும் கற்றோரை கலந்திருத்தல் அழகு

கற்றோரும்.மற்றோரும் உன்னை

சூழ்ந்திருந்தால் நீ நூற்பாய் அழகு

எத்தொழில் செய்வோரும் அழகு.அவர்

எங்கிருந்து வாழ்ந்தாலும் அழகு

 

ஏமாற்றி பிழைக்காமல் பழகு.பிறரை

ஏய்த்து பிழைத்து வாழாமல் பழகு

களவு.பொய்கள் நிலையாதே உலகில்

உளவு பார்த்து வஞ்சிக்காதே உணரு

உன்னை நீயே உணர வேண்டும் முதலில்

அந்த எண்ணம் யாசிக்கட்டும் மனதில்

மனிதம் ஆங்கு குடியிருந்தால் அழகு

மதிப்பாரே பலரும் உன்னை உணர்ந்து

இயற்கையை நேசித்தால் அழகு.அதில்

மாண்பு வந்து உன்னை யாசிக்கும் அழகு

திருப்பி உன்னை தீண்ட வேண்டும் எதிலும்.அந்த

திமிரில் நீயும் உயர வேண்டும் உலவு

பெறாமகள் பிரியாவிற்கு

                இல்லற வாழ்வில் 11.02.2018

இணைந்த செல்வி -சிறீ.."ப்ரியா" விற்கு சமர்ப்பணம்.

இத்தினம்
உன் வாழ்வின் அகத் தினம்
நினைவழியா நாளாக நினை
ஆட் கொண்ட முத் தினம்.

கைத்தலம் பற்றி பரிவெழுதிய பாக்கிய தினம்.
முத் தேவர்கள் வாழ்த்தினார்களோ இல்லையோ
உன்
முற்றத்து சூழலும்
முதிர்கொண்ட வாழ்வாங்கு வாழ்ந்தவர்களின்
வசீகர வாழ்த்துக்களும்.நிந்தனை
அக ஆசிகளால் அரவணைத்த தினம்.

உனதான இல்வாழ்வு சிறந்தோங்க
தொலை தூரத்தில் இருக்கும் உன்

பெரியப்பாவின் வாழ்த்தும் உனை ஆசிக்க

இந்த ஒரு மென் மடல்.

செளபாக்கியம் பெற்று

சகல ஐசுவரியங்களுடன்
நினதான தாம்பத்திய வாழ்க்கை
ஆரோகணிக்கட்டும்.

ப்ரியமானவளாய்
பிரேமைகள் நின் பிரியமானவனுடன்
என்றும் நிலை தடுமாறாமல் நிலைத்திருக்கட்டும்.
வாழ்வியலின் கூறுகளில்
சகலதையும் நின் மணாளனுடன் பகிர்ந்து கொள்
பரவசம் நிறையும்
நின் பிரபஞ்ச வாழ்வில்.

வாழ்வின் சுகமே
புரிந்துணர்வுகளின் படிக்கட்டுக்களில்
சகலதையும் மனமார பரிமாறிக் கொள்வதில்
பூரணமாகும்.

இவ் வண்ணம்!
பெரியப்பா
சு.குமார் குடும்பம்
(யேர்மனி)

அழகு

                                               அழகு

இயற்கை எழில் கொஞ்சுகின்ற இலங்கையில்

நாம் காணுகின்ற காட்சி எல்லாம் அழகுதான்.

இயற்கை எழில் கொஞ்சுகின்ற இலங்கையில்

நாம் காணுகின்ற காட்சி எல்லாம் அழகுதான்

வங்கக் கடல் மூசுவதும் அழகுதான்.

அங்கு வாடி அமைத்து வாழும் அவரும் அழகுதான்

பண்ணிசைக்கும் நதிகள் எல்லாம் அழகுதான்

இங்கு பண்புடனே வாழும் மனிதம் அழகுதான்

இன்னிசைக்கும பறவைக் கூட்டம் அழகுதான்.அந்த

வனத்தில் வாழும் விலங்குகளும் அழகுதான்

பறக்கும் தும்பிக் கூட்டம் கூட அழகுதான்அந்த

வானம் பாடி கூட்டங்களும் அழகுதான்

ஒலிக்கும் அந்த ஆலயத்தின் மணிகளும்

அங்கு ஓம்புகின்ற பக்தர் கூட்ட அலைகளும்

ஒளியை வீசும் கதரவனின் உதயமும்

மாலை வேளை வீசும் நிலவின் ஒளியும் கூட அழகுதான்

மானிடமும் மனித நேய ஊக்கமும்

இங்கு ஊட்டி வைக்கும் பாசம் கூட அழகுதான்

பள்ளிக்கூட பருவமும் அழகுதான்

அங்கு பாடம் தரும் ஆசானும் அழகுதான்.

தாய் மொழியாம் தமிழ் மொழிதான் பேரழகு

அதை தந்து விட்ட தாயவளும் பேரழுகு

செம் மொழி என பெயர் கொண்ட என் மொழி

என்றும் பேச பேச இனிக்கும் அழகு அழகுதான்

உற்றாரும் சுற்றாரும் உறவுகளும்

எங்கள் சுற்றத்தை பேணி விட்டால் அழகுதான்.

கைத் தொழிலில் இருக்குதம்மா ஓரழுகு

அதைக் கற்றுக் கொண்டால் உன் வாழ்வு மிகை அழகு.

இயற்கை தந்த செல்வங்களோ எண்ணிலா.அதை

இயன்றவரை நுகர்ந்து கொள்ளல் அழகுதான்.

சுற்றுப் புற சூழலை பேணவே .நாம்

இன்பமாக இனிமையாக வாழவே.

செயற்கை முறை நுகர்வுகளை தவிர்த்து.நாம்

இயற்கையோடு வாழ்ந்திட்டால் அழகோ அழகுதான்.

அழகு

அழகு
அன்பு உள்ளம் கொண்டாய் நீயும் அழகு
ஆருயிராய் இணைந்திருந்தால் அழகு
இன்பம் ஒன்றே போற்றவேண்டும் அழகு

ஈதல் ஒன்றே என்றும் எங்கும் அழகு

ஈதல் ஒன்றே என்றும் எங்கும் அழகு

உறவுகளை காக்கவேண்டும் அழகு.அங்கு

ஊக்கம் கொண்டு பேணவேண்டும் அழகு

எங்கும் நாங்கள் காணபதெல்லாம் அழகு

ஏன் என்ற கேள்வி ஒன்றே பேரழகு...

எதிலும்

ஏன் என்ற கேள்வி ஒன்றே பேரழகு

ஐயம் இன்றி படிக்கவேண்டும் அழகு

ஒழுக்கம் கூட்டி ஒழுக வேண்டும் அழகு

ஓயாமல் இயங்க வேண்டும் அழகு, எதிலும்

ஓளவையாரை படித்து நீயும் ஒழுகு.

ஓளவையாரை படித்து நீயும் ஒழுகு

உற்றாரை பேணவேண்டும் உளமாய்.

உந்தன் பெற்றோரை மதிக்கவேண்டும் நியமாய்

சுற்றத்தாரை கவனமாக பேணி..நீ

கற்பதெல்லாம் உவந்து வரும் அழகாய்

நீ கற்றதெல்லாம் உவந்து வரும் அழகாய்

விளம்பரமும் நுகர்வுகளும்

விளம்பரமும் நுகர்வுகளும்

தேவைகளை அறிந்தே கொள்முதல் கொள்

தேனாக வாழ்வெழுத தேவைகளை சுருக்கு

ஆலைகளில் பொழிந்ததெலாம் ஆலாய்...

தொடர் ஊடகத்தில் விளம்பரமாய் வீதி வரும்.

பட்டொளி விட்டு பல சுவர்களை அலங்கரிக்கும்.

பத்திரிகைகளும் வானொலியும் துல்லியாமாய் ஆமோதிக்கும்.

விளம்பரம் போட்டால் அவனுக்கோ காசு.

விழுங்கி நீ வாங்கி விட்டால் விநியோகத்தனுக்கும் காசு

அந்தோ தேவையற்ற நுகர்வுகளால் உந்தனுக்கோ காவு

எந்த தேவைகளையும் பூர்த்தி செய்யாத்தால் நிந்தனுக்கோ ஆப்பு

எவனிடம் எது இருந்தாலும் இல்லையென்றாலும் உனக்கேன் இந்த ஈர்ப்பு

வாழ்வுத் தேவைகளை புரிந்து கொண்டால் உனக்கில்லை இழப்பு

மனங் கவரும் எத்தனையோ புதியவவைகள் உண்டு.\அவை

இனங் கவர்ந்து உனைக் கெளவ்வும் விளம்பரங்கள் உண்டு.

நின்று நீ நிதானி நிச்சயம் தேவையெனில் இன்னொரு முறை யோசி

தவிர்க்கவே முடியதெனில் தரமானதை நுகர்ந்திடு.

உபயோகமற்ற எதையும் ஆடம்பரத்திற்காய் வாங்காதே

ஆடம்பரத்தில் அழகு என்றுமே கொழித்ததில்லை.உன்

அழகில் ஆடம்பரம் செழிக்க உன்னை நீ தீட்டி எழு

விளம்பரங்களும் நுகர்வுகளும் வாழ்க்கைப் பாதைகள் இல்லை.

ஆசைகளிற்கு கட்டுப்போடு அரவங்களாய் உனை

இணைக்கும் ஒய்யாரங்களை மட்டுப்படுத்து

கவர்ச்சியாய் காணபவைகள் காலத்தில் நிலையில்லை

உவகை தேவையெனில் உவந்ததையே நீ ஆகாசி.

வரவுக்கு ஏற்ற செலவு செய்ய பழகு

ஏற்புடையதாயின் ஒரு பக்கம் சேமித்தெழு
ஈய்தல் ஒன்றையும் உன் மனக் கண் வைத்தொழுகு
வீண் விரயம் செய்வதில் விழிப்பாயிரு.

பந்தாவாக வாழ்வதில் பரவசம் நிலைக்காது

பாதைகளும் அதன்சுவடுகளும் நின் பாவனையிலே உண்டு

பரந்தாமனும்.சிலுவைகளும்.புத்தனின் தத்துவமும்

என்றுமே உன்னை செழுமைகளாய் ஆக்காது

அதுபோலவே இந்த விளம்பரங்களும் நுகர்வுகளும்....?

நன்றி என்றுமே

ஊரகனாக

சு.குமார்

மக்களின் ஈடுபாடும் எம் சமூக கட்டுமானமும்

மக்களின் ஈடுபாடும் எம் சமூக கட்டுமானமும்

ஒரு சமூகம் என்பது அங்கு வாழும் மக்களின் கலை,பண்பாடு,பழக்க வழக்கங்களின் அடிப்படையில் உருவாக்கப்படுவது. அங்கு வாழும் மக்கள் தங்களின் கலாச்சாரமாக அவர்களின் மூதாதையர்கள் பின்பற்றி வந்த பல நடைமுறைகளை தொடர்ந்தும் பின் பற்றி வந்தார்கள்.பின அந்த சமூகத்தின் பழக்க வழக்கங்களில் ஒரு சில மாற்றங்களிற்கு உடபட்டு அது அடுத்த சந்த்திகளிடம் கையளிக்கப்படுகின்றது.

அவையாவன 1.ஆலய வழிபாடு.2,கல்வி.3.சுகாதாரம்.4.இயற்கையை கையாளுதல் என பலவாகும்.

இங்கே கல்வி எனும் பொழுது அது முன்பள்ளியில் ஆரம்பிக்கப்படும்.அப்போதைய காலங்களில் வீடுகளில் ஆரம்பித்த இந்த ஆரம்ப கல்வி முறை கால ஓட்டத்தில் ஒரு தனிப்பட்ட ஒருவரின் வழி நடாத்துதலில் அவரின் வீட்டில் அல்லது எங்காவது ஒரு பொதுவான இடத்தில் தொடர்ந்து நடைபெற்றது.

மனித வாழ்வில் பல மாற்றங்கள் எப்போதுமே தொடர்ந்து வருவதுண்டு.அது தனிப்பட்ட வரின் வாழ்வில் மட்டுமல்ல. சமூகங்களிலும் அது தேவை கருதி ஊடுருவும்.அப்படியான ஊடுருவல்கள் சில சமயம் நன்மைகளை பயப்பதும்.தீமையாகி கருகுவதும் உண்டு.

நான் இந்த ஆக்கத்தின் மூலம் எம் சமூக வாழ் மக்களிற்கும் தேவையான அத்தியாவசியாமான ஒருகட்டுமானத்தைப் பற்றி சற்று காத்திரமாக எழுத விழைகின்றேன்.

எந்த ஒரு நாடோ தேசமோ அல்லது ஒரு பட்டினமோ கிராமமோ அங்கு வாழும் மக்கள் அநேகமாக கல்வியை தங்களின் முதல் அத்தியாவசிய தேவையாக எடுத்து அதை கற்பதில் வெகு ஆர்வம் காட்டுவார்கள்.அதன் விளைவுகள் ஒவ்வொரு தனி குடும்பத்தின் பெருளாதார முறைகளினால் மேம்படுதலும் இடையில் விடுபடுவதுமாக காலம் கழிந்து கொண்டிருக்கும்.

ஆயினும் ஒவ்வொரு ஊரிலும் மிகமிக அத்தியாவசியமாக சனசமூகநிலையம்ஆலயம்,முன்பள்ளி என்பன அவ்வவ் சமூகத்தில் பாரிய இடத்தை பெற்றிருக்கும்.இந்த அடிப்படையில் நான் இங்கு எமது ஊரில் அமைக்கப்பட்ட முன்பள்ளியைபற்றியும் அதன் நிலைப்பாடுபற்றியும் சிறு பதிவை காலத் தேவைகருதி பதிகின்றேன்.

எமது ஊரில் காலம் காலமாக நடைபெற்று வந்த இந்த அரிவரி என அக்காலத்தில் அழைக்கப்பட் ஆரம்ப கல்வி முறை ஒரு நிலையான,அந்த ஊரிற்கே சொந்தமான இடத்தில் நடைபெறவில்லை.காரணம் இந்த ஊரிற்கு என்று ஒரு நிரந்திர கட்டிடம் இல்லாமையாகும்.

இதை எமது முன்னோர்கள் எவ்விதத்திலும் ஒரு தொலை நோக்குபார்வையால் அமைக்கவோ அன்றி அதன் தேவை கருதி எந்த ஆக்கபூர்வமான முன்னெடுப்பும் எடுத்தாக நான் அறிந்த வரையில் தெரியவில்லை.

இக் கட்டுரையின் நோக்கம் கடந்த காலத்தைபற்றி அலசுவதல்ல.நடைமுறைக் காலத்தில் நாம் இப்போது என்ன செய்கிறோம்.செய்யப் போகிறோம் என்பதைப்பற்றி சற்று சிந்திக்வேண்டி மட்டுமல்ல செயற்பட வேண்டியே இந்த இடுகை தொடர்கின்றது.

எம் ஊரிற்கான ஒரு முன் பள்ளி அதுவும் சொந்தமான நிலப்பரப்பில் தேவை என்பது எமது இளஞ் சந்ததியின் ஆர்வமாக இருந்தது.அதற்கான முயற்சிகளும் ஏலவே நடந்தது.

ஆயினும் அவர்களின் எதிர்பார்ப்புக்கு ஏற்றமாதிரி நிலைமை அமையவில்லை.எமது ஊரவனும் கனடாவாசியுமான திரு கந்தசாமி.பாலேஸ்வரன் அவர்களின் தனி மும்முரமான முயல்வால் முன்பள்ளிக்கான நிலம் சனசமூக நிலைய நிர்வாகத்திடம் அதிகாரபூர்வமாக கையளிக்கப்பட்டது.

இந்த நிலையில் எமது முன்பள்ளி கட்டப்பட்டு அதன்செயற்பாடுகள் முடுக்கி விடப்பட்டாலும் அதன் கட்டுமானம் பரிபூரணமாக நிறைவேற்றப்பட்டதா?

இந்த முன்பள்ளி நில.புலவாழ் மக்களின் நிதியினாலும் மேலும் .அரச நிதி உதவியினாலும் முன்னெடுப்பட்டு கட்டிடம் பூர்த்தியாக்கப்பட்டது.நாற் சந்தி நண்பர்கள் எனும் எமதூரக இளைஞர்களின் பெரு முயற்சியால் இந்த முன்பள்ளிக்கு ஒரு சிறுவர் பூங்கா அமைக்கப்பட்டு அதுவும் நிர்வாகத்தின் பொறுப்பில் ஒப்படைக்கப்பட்டது.

ஆனால் அமைக்கப்பட்ட சிறுவர் பூங்காவை பயன்படுத்தக் கூடிய நிலைகள் பின்வரும் காரணத்தால் சரியாக உபயோகப்படுத்தமுடியவில்லை காரணம் காலநிலை.இந்த பூங்கா ஒரு சோலைவனமாக இல்லாவிட்டாலும் வெயிலின்.மழையின் தாக்கம் இல்லாமல் அது அமைக்கப்படவில்லை.இவ்வளவு செலவு செய்து கட்டப்பட்ட இந்த பூங்காவை முன் பள்ளி மாணவர்கள் பயன்படுத்க்கூடிய நிலைப்பாட்டை நாம் கவனத்தில் எடுக்கவேண்டியது காலக்கடமையாகும்.

எனவே இந்த சிறுவர் பூங்காவை வெயில்.மழை படாத ஒரு நிலையிலும் அதைச் சூழ குளிர்மையான சுவாத்தியத்தை ஏற்படுத்தக்கூடியமாதிரி அமைக்கவேண்டும்.இதற்கு நாம் செய்யவேண்டியவைகள்.

சிறுவர் பூங்காவின் மேற்பகுதியை குடை போன்ற அமைப்பாக உருவாக்கி.அதன் கீழ்ப்பகுதியில் சுற்றிவர அழகான பூங்கன்றுகளை நாட்டி அவற்றிற்கு தொடர் நீரோட்ட வசதியை ஏற்படுத்தவேண்டும்.இதற்கான சிறந்த ஆலோசனைகளை நிர்வாகம் உள்வாங்கி நடைமுறைப்படுத்த வேண்டும்.நிலப்பரப்பு கற்கள் அகற்றப்பட்டு தூய வெண்மணலால் நிரவப்படவும் வேண்டும்.

இன்னமும் முன்பள்ளியில் சீர்செய்யவேண்டியவைகள்.அங்கு என்னென்ன மரங்கள் நாட்டப்பட்டால் வேரூன்றும் என அறிந்து அம் மரங்களை நடுதல்.முக்கியமாக செம் மண் தேவையான அளவு கொள்முதல் செய்து முன் பள்ளியின் வாசல் பக்கமுள்ள மதில் கரையோரம் மிதமாக ஆழமாக பரவி மர நடுகையை மேற்கொள்ளலாம். எனதான பரிந்துரையாக.வேம்பு.தென்னை மரங்கள் .வாழைமரங்கள் நடுதல் சிறப்பென்றே எண்ணுகிறேன்.எனினும் உங்களின் தெளிவான நடைமுறையான எண்ணங்கள் மொருகேற்றட்டும்.
முன்பள்ளியை சூழ சுற்று மதில்க ள்முழுமையாக்கப்பட்டு வண்ணம்தீ ட்டவேண்டும்.. கட்டப்பட்ட அரங்கமோ வெயில்.மழை காலத்தில் பாதுகாப்பு இன்றி திறந்த நிலையில் உள்ளது. எனவே அதற்கான ஏற்பாடுகளை செய்யவேண்டும்.

முன் பள்ளி வாசலில் நிழல்பயன் தரு மரங்களை உள்பகுதியூடாக நடப்பட்டு பராமரிக்க ஆவன செய்தல் வேண்டும். அங்கு.கட்டப்பட்ட மல.சலகூட பாதை சீரமைக்கபட்டு பாவனைக்கு ஏற்றமாதிரி சுத்தமாக வைத்திருத்தல் வேண்டும்,
முன்பள்ளியின் உள்ளே வெளியே காவணிகள் அகற்றப்பட்டு சுத்தம்பேணுதல் மிக முக்கியமாகும்

எனவே இந்த ஆக்கத்தின் மூலம் ஊரவர்களை அன்பாக கேட்டுக்கொள்ள விழையும் நிலைப்பாடுகளாக உங்களின் பிறந்த நாள் நினைவாக விரும்பிய மரங்களை முன்பள்ளியில் நாட்டுங்கள்.வருடத்தில் இரு தடவையாவது ஊரகர்கள் சேர்ந்து சிரமாதனம் செய்தால் முன் பள்ளியை அழகாக பராமரிக்கலாம்.

இதை நிர்வாகம் மிகவும் கவனம் எடுத்து நிர்வாக அங்கத்தவர்களின் பங்களிப்புடன் ஊரவர்களை அழைத்து இப் பணிகளை ஆர்வமாக செய்தல் வேண்டும்.

மாதத்தில் ஒருநாளாவது நிர்வாக அங்கத்தவர்கள் இப் பணியை ஆரம்பித்து ஊரவர்களின் உதவியை பெற ஆவன செய்தலே ஆரோக்கிய முதல் படியாகும்.

ஏற்படும் செலவுகளை நாம் ஏற்போம்,முதலில் செயலாக காட்டுங்கள் மற்றவைகள் தாமாகவே உங்களை தேடிவரும்.அதாவது நிதியுதவியை குறிப்பிட்டேன்.

இவ்வளவு அருமையாக முனபள்ளியின் தேவைகள் அனைத்தும் அடங்கிய நிலையில் உள்ள இந்த கட்டுமானத்தை அழகாக சீராக்கி பராமரித்தலே நாம் எமது வருங்கால இளஞ் சந்த்தி யினர்க்கு கொடுக்கும் ஆழமான பரிசாகும்.வரும் இளம் சந்ததியினர் எம்மைப்போலவே கடந்த கால சந்ததியினரை இகழ்வாக நினைக்கும் நிலைமையை ஏற்படுத்தாமல் இருப்போமாக.

வெறுமனே எமது ஊரிலும் இவ்வளவும் உள்ளதே என புழுகுவதிற்காக அல்ல இந்த கட்டுமானங்கள்.நாம் இதை சரியான முறையில் பராமரித்து செம்மையாக்கி வரும் இளைய சந்த்தியிடம் ஒப்படைக்க வேண்டியது ஊரை நேசிக்கும் ஒவ்வொருத்தரின் காலக் கடனாகும்.

முன்னோர்கள் செய்த அல்லது செய்யாத தவறுகளை நாம் செய்யாமல் இருப்போமாக.
சும்மா ஒற்றுமையால் உயர்வோம் என சுலோகத்தில் மட்டும் எழுதி விடுப்பு பார்க்காமல் செயலாற்ற வாருங்கள்.முன்பள்ளி ஒரு பூஞ்சோலைவனமாகும்,மனமிருந்தால் ஆக்கலாம்.

ஆக்குவோம் என ஒரு முனைப்புடன் ஆகச் சிறந்த நோக்கத்துடன் எம்முடன் கரம் சேருங்கள் என எமது ஊரவர்கள் அனைவரையும் இந்த சிறு ஆக்கத்தின் மூலம் இரு கரம் நீட்டி தங்களின் காத்திரமான ஒத்துழைப்பை எதிர்பார்க்கிறோம்.

இந்த கட்டுரையால் ஒரு முகமாவது தெளிவடைந்து செயலாற்ற முன் வந்தால் செழிப்பாகும்.
இந்த எதிர்பார்ப்பை முடிக்கும் முன் மீண்டும் ஞாபகப்படுத்துகிறோம்.அதாவது உங்களின் பிறந்த நாள் அல்லது உங்களின் பிள்ளைகள்,பேரப்பிள்ளகள்,உங்களின் இல்லத்தரசிகளின் எவருடையதாயிருந்தாலும் அவர்களின் ஞாபகமாக எதிர்கால நினைவுச் சாரலாக ஒரு பூங்கன்றையோ அன்றி நிழல்.பயன்தரு மரங்களையோ எமது முன் பள்ளியில் நாட்டி நீர் பாய்ச்ச ஏற்பாடும் செய்யுங்கள இது போதும் எம் முன்பள்ளி பசுமை பொங்கும் பெரும் சோலைவனமாக.

இந்த ஆண்டு விழாவிலிருந்து எம் முன்பள்ளி சிறார்களின் ஆடைகள் ஒரு சீருடை வடிவம் பெறுகின்றது எனும் மகிழ்வான சேதியுடன் உங்களிடம் இருந்த தற்காலிகமாக விடைபெறும்

நன்றி

என்றும் ஊரகனாக

சு.குமார்

புறம் பேசுதல்

புறம் பேசுதல்

மனித வாழ்வில் பேசும் பொருளாக தன் உணர்வுகளை வெளிப்படுத்த மொழி எனும்ஒலி ஊட கம் பரிணாம வளர்ச்சியில் வாழ்வியலில் பெரும் பங்கு ஆற்றுகின்றது.இந்த ஆக்கத்தின் மூலம் நான் மொழியின் உருவாக்கத்தையோ அன்றி அதன் பரிணாம வளர்ச்சியைப்பற்றி எழுதவரவில்லை.

மாறாக நாம் எமது உணர்வுகளை வெளிப்படுத்தும் எண்ணங்களின் புற வடிவங்களைபற்றி எழுதலாம் என எண்ணி தொடருகிறேன்.

மனிதனின் இன்ப.துன்ப.மகிழ்வான.இகழ்வான தருணங்களை வார்த்தைகளின் தொகுப்பால் எம்மை நாம் புரிந்துணர்விற்கு ஆட்படுத்தி கொள்கிறோம்.முதலில் புறம் பேசுதல் இப்படியான வகைக்குள் அடங்கும் அவையாவன.முகத்திற்கு முன் சிரித்தும பேசி பின் அவர் போனபின் முதுகுக்குப்பின் சீறுதல்

இதை கவிஞன் இப்படி பாடி வை(த்)தான்.முகத்திற்கு நேரே சிரிப்பவர் கண்கள்

முதுகுக்குப்பின்னே சீறும்.முகத்துதி பேசும் வளையும் .குழையும்
காரியம் ஆனபின் மாறும்.

இரண்டாவது வகை! முத்திற்கு அஞ்சி வேசையாடல்.இங்கு வேசை என்பது வேடத்தை குறிக்கும் பின் மருவி வேசையானது.இப்போது பல ஊர்களில் இதை நல்லா நடிச்சாய் என குறிப்பிடுவார்கள்.

மேலும் நான் நம்பிட்டேன் என நக்கலாக கூறுவதை அனுபவத்திலும் கண்டுள்ளேன்.நிற்க!

ஒருவன் தனதான துயரங்களை தன் நம்பிக்கைக்குரியவரிடம் மனம் திறந்து பேசி தன்னை ஆற்றுகைப்படுத்தி கொள்வது.இயல்பானதே.வாழ்க்கையின் வரம்புகளில் ஒருவரில் ஒருவர் தங்கியும் தாங்கியும் வாழ்கின்றனர்.அதே போலவே மகிழ்வோ அன்றி தன் வாழ்வின அன்றாட நிகழ்வுகளை உரையாடல்களின் மூலம் வெளிப்படுத்தி தங்களின் நிலைப்பாடுகளை மற்றவர்களுடன் பகர்ந்து கொள்கின்றனர்.

இதில் பல முக்கியமான விடயங்களை ஒரு ஆலோசனை வேண்டி அல்லது உதவி கோரி அல்லது மாற்று வழி ஏதாவது இருப்பின் அதுபற்றி கதைத்திருப்பார்கள்.நம்பிக்கையின் அடிப்படையில் கதைக்கப்பட்ட செய்திகளை மற்றவர்களிற்கு தெரியவேண்டாம் என நினைத்து சொல்லப்பட்ட அவருடைய சாராம்சங்களை ஒரு புனைவுக்கும் உட்படுத்தி மற்றவர்களிடம் கூறி அவரை கிண்டல்பண்ணுவதும்.ஊரர்களே அறியும் வண்ணம் பறைசாற்றி நக்கல அடிப்பதுவும் அவரைப்பற்றி தூசிப்பதுவுமாக ஒரு சிலர் மட்டுமல்ல பலரால் நாளாந்தம் நடாத்தப்படும் ஒரு வித நட ப்பாகும்.இத் தகைசெயல்கள் ஊரில் மட்டுமல்ல உலகம் பூராகவுமே இந்த அவல நிலைதான் காணப்படுகின்றது.

மனித நேயங்களை மறந்து மற்றவர்களை நக்கல் அடிப்பது.சீண்டி அவரை ஒரு வித கோப தாபங்களிற்கு உட்படுத்துவது எவ்வகையிலும் பொருந்தாத செயற்பாடாகும்.இங்கு நம்பிக்கையின் ஆழவேர்கள் அடியோடு அறுந்து போய் இந்தநிலைக்கு ஆளானவரை மன நோய்க்குள் தள்ளி விட்ட பொரும் சோகம் நாம் வாழ்வியலில்நாளாந்தம் காண்படுவதுண்டு.

ஒரு சிலர் அதாவது இந்த செய்கையை செய்தவர்கள் எவ்வித மனத்தாங்கலோ மனு உறுத்தலோ இன்றி மீண்டும் அவருடன் உறவு கொண்டாட விழைவதே அபத்தத்தின் உச்சக் கட்டம்.இப்படியான புறம் பாடல்களை நாம் நாளாந்தம் கேட்டும் ஏன் அதில் உடன்பட்டுமே நாட்களை நகர்த்திக் கொண்டு போகின்றோம்.}

தொழில் நுட்பம் எவ்வளவோ உயர வளர்ந்தாலும் அதனூடகவும் இந்த புறம் பாடல்கள் இன்னமும் பல்கி பெருகத்தான் செய்கின்றது.இங்கு நான் எனது அனுபவத்தினூடாக சில நிகழ்வுகளை இடுகையாக இட்டு இந்த ஆக்கத்தை சுருக்கமாக முடிக்கின்றேன்.

ஒரு வீட்டில் ஒரு ஆணிற்கோ அன்று பெண்ணிற்கோ திருமணம் பேசப்பட்டு அவர்களைப்பற்றி இந்த சம்பந்தம் செய்ய உடன்படுபவர்கள் அவரவர் ஊர்களில் இது சம்பந்தமாக விசாரித்து தெளிவடைதல் நீதியான முறையே.இங்குதான் ஒரு சிலர் இப்படியாக ஒரு விபரத் திரட்டலின்போது அதாவது ஊரவர்களை விசாரிக்க வரும்போது.இல்லாத.பொல்லாத தம் கற்பனைக்கு புது வடிவம் கட்டி வரும் நபர்களுடன் கதைகட்டி விடுவதுண்டு.

ஆனால் சம்பந்தபட்வர்களுடன் கதைக்கும்போதோ நான் உங்களைப்பற்றி அந்த மாதிரி நல்லமாதிரியாக கூறினேன் என கதை விடுவார்கள்.

அதுமட்டுமல்ல தாம் ஏதோ சாதனை புரிந்ததாக தன்னை ஒருவித மனத்திருப்திக்கு உள்ளாவதாக ஒரு போலித் திருப்தியில் வாழ முனைகிறார்கள்.பிற்கா லத்தில் இந்த தவறுகளிற்காக மனம் வருந்தும் சில கோமாளிகளும் உண்டு.அப்படியான செய்கையால் பாதிப்படையும் நபர்களைப்பற்றி இவர்கள் சிந்திப்பதே இல்லை..

இன்னும் சிலர் தேவைகருதி கடன் வாங்குவது உண்டு.இதை அவரால் ஏற்படும் சந்தர்ப்பத்தால் உரியநேரத்தில் திருப்பி கொடுக்கமுடியாத நிலை ஏற்படும் போது இவர்களை புறம்சொல்லி சமுதாயத்தில் கேவலப்படுத்தும் பழக்கம் எந்த வகை நியாயமாகும்?

இது நட்பு வட்டாரத்திலும் உண்டு.மது அருந்தும் சிலர் போதைகாரணமாக அ்லது தான் ஏதோ நகைச்சுவை மன்னென நினைத்து மற்றவர்களை இப்படியான இக்கட்டான நிலைக்கு தள்ளிவிடுதல் சாதாரணமாகவே எப்போதும் நடப்பதாகும்.இதில் ஆக அதிமேதாவித்தனமாக சாதியையும் இழுப்பதுண்டு.சம்பந்தப்பட்ட நபர் மேலே குறிப்பிட்டவரின் மிகையான நண்பராகவும் அவருடன் நாளும் பொழுதும் நெருங்கி பழகியவரும் ஆவார்.

எந்த விடயமானாலும் இடம்.பொருள்.ஏவல் அறிந்து மனித்த்தன்மையுடன் நடக்கும் நபர்களும் உண்டு.இன்னொரு விடயம் தனக்கு தேவையான எதையும் இடைத்தரகர் மூலம் தெரியப்படுத்தி தன் தேவைகளை பூர்த்தி செய்யும் சிலர் .தன் தேவைகள் முடிந்ததும்.அவரை புறம் சொல்லி தனக்குத் சம்பந்தப்பட்ட தன் பூர்த்தியான விடயத்திற்கும் தொடர்பே இல்லை என தப்பிக்க முனைந்தோரும் உண்டு.
ஆகவே மனிதராகிய நாம் ஆற்றிவு உள்ள ஒரு ஜீவனாக எம்மை நிலை நிறுத்துவதாயின் எந்த நிலையிலும்.எப்படியான சிக்கலிலும் தனக்குரிய நிலைப்பாட்டை ஒரு உரியமுறையில் தீர்ப்பதாயின் அதற்குரிய மாற்று. நேர்வழிமுறைகளை கையாளுதலால் இந்த புறம் பாடும் சமூக விழு(யூக)மியங்களில் இருந்து தம்மை தாமே காப்பாற்றி கொள்ளலாம்.எனினும் எமது சமுதாயக் கட்டமைப்பின் அடிப்படை இப்படியான செயலாக்கத்தால் கட்டுண்டு கிடபபதால் புறம் பாடும் இந்த இழிநிலையில் இருந்து விடுபடுதல் என்பது முயல் கொம்பே.
எனவே நாமே ஒவ்வொருத்தரும் இந்த இழிநிலைபற்றி சரியான ஒரு புரிந்துணர்தலை கைக்கொள வேண்டியது காலக் கடனாகும்.நாம் 21ம் நூற்றாண்டில் வாழ்ந்து கொண்டிருக்கும் ஒரு மானிட இனம்.விஞ்ஞானம் எத்தனையோ படிமுறைகளில் தன்னை சீர்திருத்தி வளர்ந்து கொண்டிருக்கும் இந்த சூழலில் இப்போமும் ந்கைச்சுவை எனும் பெயரிலும் .சும்மா எனும் ஒரு சாட்டில் பேரிலும் மற்ற்றவர்களை புறம்பாடும் இ்ந்த அறமற்ற செயலை தவிர்த்து முடிந்தால் ஒற்றுமையாக அஃதின்றேல் தனித்து தனித்துவமாக வாழ முனைவோமாக.

கதை பரப்புதல் கோள் மூட்டல்.இல்லாத கதைகட்டுதல் தவறாக புரிந்து கொண்டு கதையை மாற்றி வெளிவிடுதல்.சிண்டு முடிதல்.கோப மூட்டி வேடிக்கை பார்த்தல் என பல வகையான புறம் பாடுதலை ஒழித்து நியாயமான மனித தன்மைகளை கைக்கொள்வோமே.

நன்றி

என்றும் ஊரகனாக

சு.குமார்

சிந்தனையும் செயற்பாடும்.

சிந்தனையும் செயற்பாடும்

மனித நாகரீகம் தோன்றி ஆண்டுகள் ஆயிரம் கடந்தாலும் நல்ல சிந்தனைகளின் பிரதிபலிப்பாக பண்பாடும் அது சார் நாகரீகமும் என்றும். எப்போதும் ஒவ்வொரு கட்டத்திலும் அடுத்த பரிமாணத்தை எட்டிச் செல்கின்றன.அதற்கான வழியாக மனித வாழ்வின் தேடல்களின் மூலம் ஏற்பட்ட சிந்தனையும் செயற்பாட்டின் மூலமே என்றும் வழிகாட்டியாக அமைந்தது என்றால் மிகையாகாது.

இங்கே தூய சிந்தனைகளின் வெளிப்பாடாக பண்பாடு மட்டுமல்ல பல புரட்சிகரமான அதேவேளை மக்களிற்கு பயன்தரக்கூடிய பல மாற்றங்களை செயலாக்க மனிதனின் நற் சிந்தனைகளே வழி வகுக்கின்றன.

அது ஆண்டிகள் தொடக்கம் அரச இயந்திரம் வரை முகிழ்கின்றன.ஒரு சமுதாய மாற்றம் வேண்டி அதன் வாழ்வியலிற்கு மிக அத்தியாவசியமான தேவைகளை மனிதனின் நற் சிந்தனைகளே உருவாக்குகின்றன.

அவை விஞ்ஞானமாக மாற்று வடிவம் கொள்ளும்போது அறிவியல் சார் நிலைப்பாடாக மாற்றம் அடைகின்றன.

ஆக,
பல கேள்விகளே வாழ்வின் திறவு கோலாக வயப்படுகின்றன.இதற்கு மூலமாக சிந்தனையின் வெளிப்பாடாக கேள்விகள் பிறக்கின்றன.

மேலும் தோல்விகளின் ஏற்படும்போது மனிதன் பட்டறிவு கூட வெற்றிக்கு ஏதுவான சிந்தனையாக வினாக்கள் தொக்கி அதற்கான விடைகள் மலர சிந்தனையே அடிகோலுகின்றன.

இப்படியாக எழும் ஆழமான சிந்தனகள் யாவும் முழுமை அடைந்ததில்லை.அது ஒரு தனிப்பட்டவரின் சமுதாய சிந்தனையாக எழும்போது பல தரப்பட்ட காரணங்களினால் அவை ஒரு வடிவம்கூட பெறுவதில்லை.ஒரு சிலரின் கருத்துக்ளின் முரண்பாடால் அவை சாசுவதமாக இருந்தாலும் முளையிலேயே மரணித்தும் விடுகின்றன.

சில சிந்தனைகளின் பரிமாணம் அவரின் தனிப்பட்ட விடா முயற்சியினால் பற் பல தோல்விகளின் பின் மிகப் பெரும் வெற்றியை தழுவிக்கொள்கின்றன.

அவை சமுதாய கொள்வனவுகளினால் அதாவது நாளாந்த தேவைகளை சுலபமாக்கும் விஞ்ஞானம்சார் செயற்பாடுகளினால் மனித நுகர்வு சக்தியை மேம்படுத்தும் நோக்கங்களை கொண்டிருப்பதால் அந்த சிந்தனைகள் துல்லியமாக மக்களை சென்றடைந்தன..

அதற்கு எத்தனையோ பல வித உதாரணங்கள் உண்டு. நாம் நாளாந்தம் நுகரும் பல விதமான வீட்டு உபகரணங்கள் அதற்கு சான்றாகும்.

இங்கே நான் குறியிடும் சிந்தனை என்பது ஒரு வட்டத்திற்குள் மட்டுமே அடக்கி இச் சிறு கடடுரையை முடிக்கிறேன்.

எமது ஊரில் ஒரு சொந்தமான கட்டிடத்தில் ஒரு நிரந்தரமான சனசமூக கட்டுமானம் தேவை என சிந்தனை வயப்பட்டபோது,இது நடக்கின்ற காரியமா என அங்கலாய்பே முதலில் தோன்றியதாக அறிந்தேன்.

அது இனிதே அரங்கேற ஒரு அரும்புகள் பாடசாலை தேவை என எழுந்த சிந்தனை.அதன் செயலாக்கம் யாவும் வெற்றி.

இங்குதான் செயற்பாட்டைப்பற்றி சற்று விரிவாக எழுத முனைகிறேன்.

நல்லதொரு சிந்தனையின் வெளிப்பாடாக அமைந்த இந்த அரும்புகள் முன் பள்ளி ,சனசமூக நிலையம் அதன் நோக்கத்தை கட்டுமானம் தவிர மற்றைய நிலையில் முழுமை அடைந்ததா என பார்த்தால் அங்கு வெறுமைதான் மிஞ்சுகின்றது.

இங்கு நான் குறியிட விரும்பும் முழுமையற்ற செயலாக பார்ப்பது!
சமூகநாடியின் பால் ஊரவர்களின் அக்கறையற்ற தன்மையே.மேலும் கலைசார் வடிவங்களை அரங்கேற்ற ஊரவர்களின் பங்களிப்பு சார் செயற்பாடு நிறைவாக இல்லை.

ஊரக மக்களின் பெரும் பங்களிப்புடன் வருடா வருடம் வெளியிடப்படும், சமூகநாடி,மற்றும் கலை விழா சார் இயங்கு நிலை மந்தமாக அல்லது காத்திரமான நோக்ககற்றி புலப்படுவது நியமாகும்,

ஏன் இந்த மந்த நிலை?

தமிழர் சார் விழா,களியாட்டம்,ஆலயம் சார் திருவிழா இவைகளில் காட்டும் ஈடுபாடு அல்லது ஊக்கமான செயற்பாடு ,

மிகவும் அத்தியாவசியமான கருத்து சார் வெளிப்பாட்டிலோ அன்றி கலை சார் வெளிப்பாட்டிலோ ஊரவர்களின் இயங்கு நிலை அன்றி ஒத்திசைவான செயற்பாடு ஏதும் பெரிதாக.நிறைவாக இலங்கு சார் செயற்பாட்டில் இருப்பதாக ஒரு ஊகம்கூட பண்ணமுடியாத புறச்சூழல் எம் கண்முன்னே யதார்த்தமாக விரிகின்றது.

புல.நில வாழ் மக்கள் யாபேரும் சேர்ந்து செம்மையாக செயற்படவேண்டி யாதார்த்த காலத்தில் உள்ளோம் என்மதை மனதிற் கொண்டு ஆவன செய்ய எம்மை நாமே உற்சாக வயப்படுத்துவோமாக.

சமூக நாடி மூலம் ஊரவர்கள்,இளையோர்கள் ஏன் எமதூரகத்தில் உள்ள புத்திமான்கள்,இளைஞிகள்,மாணவர்கள் சகலரும் சேர்ந்து தங்களின் எதிர்பார்ப்பை அல்லது மேன்மையான சிந்தனையை எழுத்து மூலம் தெரியப்படுத்துவதன் மூலம் ஒரு சமூக மாற்றத்திற்கு அல்லது சமூக மேம்பாட்டிற்கு ஒரு அபூர்வமான மிக அத்தியாவசியமான பரிந்துரையை முன்வைக்கலாம்,

மேலும் கலை சார் ஆர்வங்களின் மூலம் தங்களது ஆளுமையான திறமைகளை நிருபிக்க இந்த அரங்கை பாவித்து தம்மையும் தமக்குள் அடங்கியிருக்கும் பன் முக ஆற்றல்களை மற்றவர்களிற்கு ஊட்டுவதன் மூலம் பல திறமைசாலிகளை அடையாளம் காட்டலாம் அல்லவா?

ஒவ்வொரு மனிதர்களிற்குள்ளும் ஏதோ ஒரு வகை ஆற்றல்கள், ஆளுமைகள் நிரம்பியிருக்கின்றது என்பது எவ்வளவு நியமோ அதை எமது அரங்கின் மூலம் மக்களை ஆட்படுத்தும் நிலைமைகள் மென்மேலும் வளர எமது அரங்கையும்,சமூகநாடி எனும் சஞ்சிகையையும் மிகவும் ஆழமாக பயன்படுத்தி அடுத்த சந்ததியிடம் காத்திரமாக ஒப்படைக்கும் ஆளுமைகளும் நிறையவே உண்டு அல்லவா?இது எமது தார்மீக கடன் அல்லவா?

எமது ஊரில் ஒரு நிரந்தரமான சனசமூக நிலையமும்,அரும்புகள் பாடசாலையும்,மெருகேற அது சார் அரங்கமும் சமூகநாடியும் ஊரவர்களால் பயன்படுத்தி காட்டவேண்டிய காலக் கடமையை செவ்வனே செய்தால் மாத்திரமே சன சமூக நிலையமும்.அரும்புகள் பாடசாலையும் எமது ஊரிற்கு இன்றியமையாத தேவை எனும் சிந்தனையின் செயலாக்கத்திற்கு மகுடம் சூட்டும்.

எனவே உங்களின் கூரிய சிந்தனையால் எழுச்சி பெற்ற இந்த இரு கட்டுமானங்களும் நிலைத்து சமூக சேவை ஆற்ற வேண்டுமெனில் உங்களிற்காக எதிர்பார்த்து நிற்கும் இந்த கலை விழா எனும் களத்தையும்.சமூகநாடி எனும் தளத்தையும் சீராக்கி முன் நகர்த்த உங்களின் சிறப்பான ஒத்துழைப்பை சனசமூக நிலைய நிர்வாகத்தின் கரங்களை ஆழமாக பற்றி செயற்படுவதன் மூலமே ஊரிற்கு இன்றி அமையாத தேவை என்பதை புலப்படுத்தும்.

அத்துடன் இந்த கட்டுமானங்களை பாராமரித்து எதிர்கால சந்ததியிடம் காத்திரமாக ஒப்படைக்க வேண்டிய சீரிய பொறுப்பு தற்போது ஊரில் வாழும் அனைத்து மக்களிடமும் இருக்கும் பொரும் பொறுப்பு என்பதை மனதிருத்தி அதற்காக உங்களால் ஆன நிதி மற்றும் காத்திரமான கருத்துக்கள்,எதிர்பார்ப்புக்கள் அத்தனையையும் மனம் விட்டு கதைத்து செயலாக்கம் பெற முடிந்தளவு உங்களின் இருப்பை நிலை நாட்டவும்.

அஃதின்றேல் ஊரில் இசைவாக்கம் அடைந்த இரு கட்டுமானங்களிற்கும் நிதி தந்து ஊக்கப்படுத்தியவர்களின் வெறுப்பையும்.எதிர்கால நிதி பங்களிப்பையும் நிராகரிக்கப்ட்டு நிர்க்கதியாகும் நிலைக்கு தள்ளமாட்டீர்கள் எனும் ஆழமான எதிர்பார்ப்புடன் இந்த சிறு கட்டுரையை முடிக்கின்றேன்.

நன்றி.

செயலாக்கம் பெறும் எந்த சிந்தையும் வீணாவதில்லை.அது கைகூடும் ஊரக கரங்கள் உறுதியாக கை கொடுத்து செயற்பட்டால்.

என்றும்

ஊரகனாக

இருப்பதில் மகிழ்வெய்தும்

மணியம்..குமார்

நான் பாயிரம் பாடிட பல்லவி நீதானே

பூவிற்குள் ஆயிரம் பூமாலை.....எந்தன்
தேர்வுக்குள் ஆயிரம் பாமாலை .....இந்த
பூமகள் ஊர்வலம்தான்..கவி பூணுது
உன் முகம்தான்..நான் பாயிரம் பாடிட
பாவை இவள்தானே.

கண்ணிற்குள் மின்னிடும் தோரணமாய்
கவி பின்னிட நாயனமாய்.இவள் கைத்தாங்கல்
நான் கொண்டேன். காதல் மணமும் கொண்டேன்.
பூமகள் ஊர்வலம்தான்
கவி பூணுது உன் முகம்தான்.

இவள் பார்வைகள் தண்மை ஒளி .அதில்
படர்ந்திடும் சலங்கை ஓலி
மனம் கானம் இசைத்திட காரணம் யாரிவள்
பூமகள் ஊர்வலம்தான்.
கவி பூணுது உன் முகம்தான்

இசை புல்லாங்குழல் இவள் தேகமாய்
இழை பூவின் மணம் மன வாசமாய்
ஒளிர்கின்றாள் ஓவியமாய்.என்னில்
இசை(க்)கின்றாள் காவியமாய்.

நான் பாயிரம் பாடிட பல்லவி நீதானே.
பூமகள் ஊர்வலம்தான்
கவி பூணுது உன் முகம்தான்.